فلسطین د نړۍ د مسلمانانو د یووالي لپاره یو فرصت دی
یکنانیوز د پارس ټوډې له قوله راپورراکړی، د پاکستان د جماعت اسلامي ګوند امیر حافظ نعیمالرحمان د اسلامي دینونو د نړیوالې ټولنې له عمومي منشي حجتالاسلام حمید شهریاري سره په کتنې کې، د فلسطین د ملاتړ پر اهمیت ټینګار وکړ او د دغې خاورې وضعیت ئې د نړۍ د مسلمانانو د یووالي لپاره یو فرصت وباله.
حافظ نعیم رحمان زیاته کړه: هغه کسان چې پخوا یووالي ته لیواله نه وو، د غزې له جګړې وروسته ئې درک کړه چې له یووالي پرته بله لار نشته.
هغه د خپل ګوند له لورې د فلسطین په اړه د ایران د اسلامی جمهوریت د سیاستونو بشپړ ملاتړ او د اسرائیلي رژیم له رسمیت پېژندلو سره خپل مخالفت اعلان کړ.
د پاکستان د جماعت اسلامي امیر همدارنګه په پاکستان کې د مذهبو پر یووالي او د مذهبو له ویش سره د مقابلې او د مسلمانانو ترمینځ د یووالي پیاوړي کولو لپاره له ایران سره د ملګرتیا پر اهمیت ټینګار وکړ.
د اسلامي دینونو د نړیوالې ټولنې عمومي منشي حجتالاسلام شهریاري هم په دغې کتنې کې وویل: اسلامي مذهبونه د اسلام د درو اساسي اصولو، امنیت، عدالت او انساني کرامت له مخې دي چې د فلسطین موضوع ته د مسلمانانو د پاملرنې لامل کېږي.
هغه همدارنګه د فلسطین په ملاتړ کې د پاکستان د جماعت اسلامي ګوند د دریځونو قدرداني وکړه.
https://parstoday.ir/ps/news/world-i163944
